ਮੌਨਸੈਂਟੋ ਨੇ ਵਿਰੋਧ ਤੋਂ ਬਾਅਦ ਬ੍ਰਿਟੇਨ ਵਿੱਚ ਕੀਤਾ ਜੀ ਐੱਮ ਫਸਲਾਂ ਦਾ ਉਤਪਾਦਨ ਬੰਦ

ਬਾਇਓਟੈਕ ਦੈਂਤ ਮੌਨਸੈਂਟੋ ਨੂੰ ਬੀਤੇ ਦਿਨੀ ਜੀ ਐੱਮ ਫਸਲਾਂ ਵਿਰੁੱਧ ਭਾਰੀ ਵਿਰੋਧ ਦੇ ਚੱਲਦਿਆਂ ਬ੍ਰਿਟੇਨ ਵਿੱਚੋਂ ਜੀ ਐੱਮ ਫਸਲਾਂ ਦੇ ਉਤਪਾਦਨ ਨੂੰ ਰੋਕਣ ਦੀ ਘੋਸ਼ਣਾ ਕਰਨੀ ਪਈ।
ਬਾਇਓਟੈਕ ਫਾਰਮ ਮੌਨਸੈਂਟੋ ਜੋ ਕਿ ਜੀ ਐੱਮ ਫਸਲਾਂ ਦੇ ਪਿੱਛੇ ਕੰਮ ਕਰ ਰਹੀ ਹੈ, ਨੇ ਘੋਸ਼ਣਾ ਕੀਤੀ ਕਿ ਉਸਨੇ ਆਪਣੇ ਕੈਮਬ੍ਰਿਜ ਸਥਿਤ ਕਣਕ ਦੀ ਪੈਦਾਵਾਰ ਦੇ ਅਪ੍ਰੇਸ਼ਨ ਨੂੰ ਬੰਦ ਕਰ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਅਜਿਹਾ ਜੀ ਐੱਮ ਫਸਲਾਂ ਪ੍ਰਤਿ ਵਿਰੋਧਤਾ, ਜੋ ਕਿ ਡੇਲੀ ਮੇਲ ਅਖਬਾਰ ਦੇ ਜੀ ਐੱਮ ਭੋਜਨ ਵਿਰੁੱਧ ਅੰਦੋਲਨ ਤੋ ਪ੍ਰਭਾਵਿਤ ਹੈ, ਦੇ ਕਾਰਨ ਕੀਤਾ ਗਿਆ ਹੈ।
ਮੌਨਸੈਂਟੋ ਆਪਣੇ ਫਰਾਂਸ, ਜਰਮਨੀ ਅਤੇ ਚੈੱਕ ਰਿਪਬਲਿਕ ਸਥਿਤ ਫਸਲਾਂ ਦੀਆਂ ਕਿਸਮਾਂ ਵਿਕਸਿਤ ਕਰਨ ਵਾਲੇ ਸੈਂਟਰਾਂ ਨੂੰ ਵੇਚਣ ਲਈ ਕੋਸ਼ਿਸ਼ ਕਰ ਰਹੀ ਹੈ।
ਬ੍ਰਿਟੇਨ ਤੋਂ ਮੌਨਸੈਂਟੋ ਦਾ ਜਾਣਾ ਇੱਕ ਅਜਿਹੇ ਚਿੰਨ ਦੇ ਰੂਪ ਵਿੱਚ ਲਿਆ ਜਾ ਰਿਹਾ ਹੈ ਕਿ ਮੌਨਸੈਂਟੋ ਨੇ ਯੂਰਪ ਦੇ ਵਿੱਚ ਜੀ ਐੱਮ ਫਸਲਾਂ ਵੇਚਣ ਦੀਆਂ ਸਹਰੀਆਂ ਉਮੀਦਾਂ ਗਵਾ ਦਿੱਤੀਆਂ ਹਨ। ਇੱਥੇ ਇਹ ਦੱਸ ਦੇਣਾ ਜ਼ਰੂਰੀ ਹੈ ਕਿ ਯੂਰਪੀਨ ਦੇਸ਼ਾਂ ਵਿੱਚ ਜੀ ਐੱਮ ਫਸਲਾਂ ਉੱਪਰ ਪਾਬੰਦੀ ਲੱਗੀ ਹੋਈ ਹੈ।
ਫ੍ਰੈਂਡਜ਼ ਆੱਫ ਦਿ ਅਰਥ ਦੇ ਪੇਟੇ ਰਿਲੇ ਦਾ ਕਹਿਣਾ ਹੈ ਕਿ ਜੇਕਰ ਉਹ ਬ੍ਰਿਟੇਨ ਤੋਂ ਜਾ ਰਹੇ ਹਨ ਤਾਂ ਸਾਨੂੰ ਖੁਸ਼ ਹੋਣਾ ਚਾਹੀਦਾ ਹੈ।
ਮੌਨਸੈਂਟੋ ਦੇ ਇਹ ਨਿਰਣਾ ਸਰਕਾਰ ਦੇ ਜੀ ਐੱਮ ਫਸਲਾਂ ਦੇ ਉਤਪਾਦਨ ਸੰਬੰਧੀ ਦ੍ਰਿਸ਼ਟੀਕੋਣ ਬਾਰੇ ਅੰਤਿਮ ਘੋਸ਼ਣਾ ਕਰਨ ਦੇ ਮੌਕੇ ਜਨਤਕ ਕੀਤਾ ਗਿਆ। ਸਰਕਾਰ ਦੁਆਰਾ ਕਰਵਾਈ ਗਈ ਖੋਜ ਤੋਂ ਇਹ ਗੱਲ ਸਾਹਮਣੇ ਆਈ ਕਿ ਜੀ ਐੱਮ ਫਸਲਾਂ ਦੀ ਖੇਤੀ ਕਈ ਪੀੜੀਆਂ ਤੱਕ ਦੇਸ਼ ਨੂੰ ਪ੍ਰਦੂਸ਼ਿਤ ਕਰ ਸਕਦੀ ਹੈ।
ਮੌਨਸੈਂਟੋ ਦੀ ਕੈਂਬ੍ਰਿਜ ਯੂਨਿਟ ਵਿੱਚ 125 ਲੋਕਾਂ ਦੀ ਟੀਮ ਯੂਰਪੀਨ ਦੇਸ਼ਾਂ ਦੇ ਬਾਜਾਰ ਵਿੱਚ ਵੇਚਣ ਲਈ ਕਣਕ ਦੀਆਂ ਹਾਈਬ੍ਰਿਡ ਕਿਸਮਾਂ ਵਿਕਸਿਤ ਕਰਨ ਵਿੱਚ ਲੱਗੀ ਹੋਈ ਹੈ।
ਕੰਪਨੀ ਨੇ 1998 ਵਿੱਚ ਯੂਨੀਲਿਵਰ ਤੋਂ  ਸਰਕਾਰੀ ਪਲਾਂਟ ਬ੍ਰੀਡਿੰਗ ਸੰਸਥਾਨ ਇਹ ਕਹਿ ਕੇ ਖਰੀਦਿਆ ਕਿ ਜੀ ਐਮ ਫਸਲਾਂ ਅਗਲੇ ਪੰਜ ਸਾਲਾਂ ਵਿੱਚ ਪੈਦਾ ਕੀਤੀਆ ਜਾਣਗੀਆਂ। ਪਿਛਲੇ ਮਹੀਨੇ ਬੇਅਰ ਕਰਾੱਪ ਸਾਇੰਸ ਨੇ ਯੂ ਕੇ ਵਿੱਚੋਂ ਆਪਣੇ ਫੀਲਡ ਟ੍ਰਾਇਲ ਹਟਾ ਲਏ ਹਨ। ਹੁਣ ਸਿਰਫ ਸਿਜ਼ੈਂਟਾ ਕੰਪਨੀ ਹੀ ਜੀ.ਐੱਮ ਫਸਲਾਂ ਨੂੰ ਉੱਥੇ ਉਤਸ਼ਾਹਿਤ ਕਰਨ ਵਿੱਚ ਲੱਗੀ ਹੋਈ ਹੈ।
ਸਰਕਾਰ ਵੱਲੋਂ ਕਰਵਾਈ ਖੋਜ ਦੇ ਨਤੀਜਿਆਂ ਤੋਂ ਸਾਹਮਣੇ ਆਉਣ ਤੇ ਜੀ ਐੱਮ ਫਸਲਾਂ ਦੇ ਸਮਰਥਕਾਂ ਨੂੰ ਕਾਫੀ ਝਟਕਾ ਲੱਗਿਆ ਹੈ। ਵਾਤਾਵਰਣ, ਭੋਜਨ ਅਤੇ ਗ੍ਰਾਮੀਣ ਮਾਮਲਿਆਂ ਦੇ ਵਿਭਾਗ ਵੱਲੋਂ ਕਰਵਾਈਆਂ ਤਿੰਨ ਅਲੱਗ-ਅਲੱਗ ਅਧਿਐਨਾਂ ਤੋਂ ਹੈਰਾਨ ਕਰਨ ਵਾਲੇ ਨਤੀਜੇ ਸਾਹਮਣੇ ਆਏ ਹਨ। ਇਹ ਵੀ ਸਾਹਮਣੇ ਆਇਆ ਕਿ ਪਰਾਗ ਪ੍ਰਦੂਸ਼ਣ/ਜੈਵ ਪ੍ਰਦੂਸ਼ਣ ਵੀ ਵਧੇਗਾ। ਇਸ ਤੋਂ ਇਲਾਵਾ ਫਸਲਾਂ ਵਿੱਚ ਵਰਤੇ ਜਾਣ ਵਾਲੇ ਖਤਰਨਾਕ ਜ਼ਹਿਰਾਂ ਕਰਕੇ ਪੰਛੀਆਂ ਦੀ ਕਈ ਪ੍ਰਜਾਤੀਆਂ ਖ਼ਤਮ ਹੋ ਜਾਣਗੀਆਂ।
ਇਸ ਲਈ ਉਠਾਏ ਗਏ ਇੱਕ ਕਦਮ ਜਿਸ ਵਿੱਚ ਬਹੁਤ ਸਾਰੀਆਂ ਜਨਤਕ ਮੀਟਿੰਗਾਂ ਅਤੇ 30 ਹਜਾਰ ਪ੍ਰਸ਼ਨ ਸ਼ਾਮਿਲ ਸਨ, ਵਿੱਚ 93 ਪ੍ਰਤੀਸ਼ਤ ਲੋਕਾਂ ਨੇ ਕਿਹਾ ਕਿ ਉਹ ਜੀ ਐੱਮ ਦੇ ਸਿਹਤ ਉੱਪਰ ਪੈਣ ਵਾਲੇ ਦੁਰਗਾਮੀ ਪ੍ਰਭਾਵਾਂ ਬਾਰੇ ਚੰਗੀ ਤਰ•ਾ ਨਹੀ ਜਾਣਦੇ ਜਦ ਕਿ 86 ਪ੍ਰਤੀਸ਼ਤ ਲੋਕਾਂ ਨੇ ਕਿਹਾ ਕਿ ਉਹ ਜੀ ਐੱਮ ਭੋਜਨ ਨਹੀ ਖਾਣਗੇ।
95 ਪ੍ਰਤੀਸ਼ਤ ਲੋਕਾਂ ਨੇ ਜੀ ਐੱਮ ਫਸਲਾਂ ਕਰਕੇ ਜੈਵਿਕ ਅਤੇ ਹੋਰ ਖੇਤਾਂ ਦੇ ਜੈਵ ਪ੍ਰਦੂਸ਼ਣ ਹੋਣ ਤੇ ਚਿੰਤਾ ਪ੍ਰਗਟ ਕੀਤੀ ਜਦਕਿ 93 ਪ੍ਰਤੀਸ਼ਤ ਲੋਕਾਂ ਨੇ ਕਿਹਾ ਕਿ ਜੀ ਐੱਮ ਤਕਨੀਕ ਸਿਰਫ ਕੰਪਨੀ ਦੇ ਆਪਣੇ ਫਾਇਦੇ ਲਈ ਚਲਾਈ ਜਾ ਰਹੀ ਹੈ ਨਾ ਕਿ ਲੋਕਾਂ ਦੇ ਹਿੱਤ ਦੇ ਲਈ।
ਲੇਬਰ ਸਰਕਾਰ ਅਤੇ ਮੌਨਸੈਂਟੋ ਦੇ ਨਜ਼ਦੀਕੀ ਰਿਸ਼ਤਿਆਂ ਉੱਪਰ ਵੀ ਚਿੰਤਾ ਸਾਹਮਣੇ ਆਈ ਹੈ।
ਡੇਜਿਡ ਹਿੱਲ, ਟੋਨੀ ਬਲੇਅਰ ਦਾ ਨਵਾਂ ਸਪਿੱਨ ਡਾਕਟਰ ਮੌਨਸੈਂਟੋ ਕੰਪਨੀ ਦਾ ਸਾਬਕਾ ਸਲਾਹਕਾਰ ਹੈ ਅਤੇ ਵਿਗਿਆਨ ਮੰਤਰੀ ਲਾਰਡ ਸੈਂਸਬਰੀ ਮੌਨਸੈਂਟੋ ਨਾਲ ਸੰਬੰਧਿਤ ਇੱਕ ਫਰਮ ਜਿਸ ਦੇ ਟ੍ਰਸਟ ਬਾਰੇ ਕੋਈ ਜਾਣਕਾਰੀ ਨਹੀ ਹੈ, ਨਾਲ ਸੰਬੰਧ ਰੱਖਦਾ ਹੈ।
ਯੂਰਪ ਵਿੱਚ ਜੀ ਐੱਮ ਫਸਲਾਂ ਦਾ ਵਿਰੋਧ ਯੂਰਪੀਨ ਯੂਨੀਅਨ ਦੇ ਵਾਤਾਵਰਣ ਕਮਿਸ਼ਨਰ ਮਾਰਗ੍ਰੈਟ ਵਾਲਸਟ੍ਰਾਮ ਦੀ ਇਸ ਟਿੱਪਣੀ ਤੋਂ ਬਾਅਦ ਹੋਰ ਵਧਿਆ ਹੈ ਕਿ ਜੀ ਐੱਮ ਕੰਪਨੀਆਂ ਝੂਠ ਬੋਲ ਰਹੀਆਂ ਹਨ ਅਤੇ ਯੂਰਪੀਨ ਖੇਤਾਂ ਉੱਪਰ ਜ਼ਬਰਦਸਤੀ ਜੀ ਐੱਮ ਫਸਲਾਂ ਥੋਪੀਆਂ ਜਾ ਰਹੀਆਂ ਹਨ। ਯੂਰਪੀਨ ਯੂਨੀਅਨ ਜੀ ਐੱਮ ਫਸਲਾਂ ਉੱਪਰ ਪਾਬੰਦੀ ਲਗਾਉਣ ਲਈ ਕੰਮ ਕਰ ਰਿਹਾ ਹੈ ਪਰ ਉਸਨੂੰ ਅਮਰੀਕਾ ਦੇ ਦਬਾਅ ਹੇਠ ਆ ਕੇ ਇਸ ਲਈ ਇਜਾਜਤ ਦੇਣੀ ਪਈ ਪਰ ਹੁਣ ਫਿਰ ਲੋਕਾਂ ਦੇ ਦਬਾਅ ਕਰਕੇ ਇਹ ਪਾਬੰਦੀ ਫਿਰ ਤੋਂ ਲਗਾ ਦਿੱਤੀ ਗਈ ਹੈ।
ਦੂਜੇ ਪਾਸੇ ਮੌਨਸੈਂਟੋ ਨੇ ਇਸਨੂੰ ਗਲੋਬਲ ਕਾਰਪੋਰੇਟ ਪੁਨਰਵਿਵਸਥਾ ਦਾ ਹੀ ਇੱਕ ਹਿੱਸਾ ਕਿਹਾ ਹੈ ਅਤੇ ਕਿਹਾ ਹੈ ਕਿ ਉਹ ਆਪਣੇ ਜੀ ਐੱਮ ਉਤਪਾਦ ਚੀਨ, ਦੱਖਣ-ਪੂਰਬ ਏਸ਼ੀਆ ਅਤੇ ਉੱਤਰੀ ਅਮਰੀਕਾ ਵਿੱਚ ਵੇਚਣ ਉੱਪਰ ਹੀ ਆਪਣਾ ਧਿਆਨ ਦੇਵੇਗੀ।