ਮੌਨਸੈਂਟੋ ਫਰਾਂਸ ਵਿੱਚ ਰਸਾਇਣਿਕ ਜ਼ਹਿਰਾਂ ਲਈ ਦੋਸ਼ੀ ਸਿੱਧ

ਫਰਾਂਸ ਦੀ ਇੱਕ ਅਦਾਲਤ ਨੇ ਫੈਸਲਾ ਦਿੱਤਾ ਜਿਸ ਵਿੱਚ ਮੌਨਸੈਂਟੋ ਨੂੰ ਇੱਕ ਫ੍ਰੈਂਚ ਕਿਸਾਨ ਨੂੰ ਜ਼ਹਿਰ ਦੇਣ ਦਾ ਦੋਸ਼ੀ ਪਾਇਆ ਗਿਆ। ਇਹ ਫੈਸਲਾ ਲੋਕਾਂ ਦੀ ਸਿਹਤ ਸੰਬੰਧੀ ਮਸਲਿਆਂ ਵਿੱਚ ਇੱਕ ਵੱਡੀ ਜਿੱਤ ਮੰਨਿਆ ਜਾ ਰਿਹਾ ਹੈ ਅਤੇ ਉਮੀਦ ਕੀਤੀ ਜਾ ਰਹੀ
ਹੈ ਕਿ ਇਹ ਹੋਰਨਾਂ ਦੇਸ਼ਾਂ ਨੂੰ ਵੀ ਮੌਨਸੈਂਟੋ ਖਿਲਾਫ ਉੱਥੋਂ ਦੇ ਲੋਕਾਂ ਦੀ ਸਿਹਤ ਨਾਲ ਕੀਤੇ ਜਾ ਰਹੇ ਖਿਲਵਾੜਾਂ ਲਈ ਸਖਤ ਕਾਰਵਾਈ ਕਰਨ ਲਈ ਪ੍ਰੋਤਸਾਹਿਤ ਕਰੇਗਾ।
ਕਿਸਾਨ ਪੌਲ ਫ੍ਰੈਕੋਇਸ ਨੇ ਦੱਸਿਆ ਕਿ 2004 ਵਿੱਚ ਮੌਨਸੈਂਟੋ ਕੰਪਨੀ ਦੇ 'ਲਾਸੋ' ਨਾਮੀ ਨਦੀਨਨਾਸ਼ਕ ਦੇ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਉਸਨੂੰ ਨਸਾਂ ਸੰਬੰਧੀ ਸਮੱਸਿਆਵਾਂ ਜਿਵੇਂ ਯਾਦਸ਼ਕਤੀ ਜਾਣਾ ਅਤੇ ਸਿਰਦਰਦ। ਇਸ ਮਹੱਤਵਪੂਰਨ ਮੁਕੱਦਮੇ ਨੇ ਮੌਨਸੈਂਟੋ ਦੇ ਰਾਊਂਲਅੱਪ ਅਤੇ ਹੋਰਨਾਂ ਕੰਪਨੀਆਂ ਵੱਲੋਂ ਬਣਾਏ ਜਾ ਰਹੇ ਨਦੀਨਨਾਸ਼ਕਾਂ ਅਤੇ ਕੀਟਨਾਸ਼ਕਾਂ ਦੇ ਖਤਰਨਾਕ ਅਸਰਾਂ ਖਿਲਾਫ ਕਾਨੂੰਨੀ ਕਾਰਵਾਈ ਕਰਨ ਦਾ ਰਾਹ ਪੱਧਰਾ ਕਰ ਦਿੱਤਾ ਹੈ।
ਲਿਓਨ (ਦੱਖਣ-ਪੂਰਬੀ ਫਰਾਂਸ) ਦੀ ਇੱਕ ਅਦਾਲਤ ਵੱਲੋਂ ਦਿੱਤੇ ਫੈਸਲੇ ਬਾਰੇ ਦੱਸਦਿਆਂ ਪੌਲ ਨੇ ਕਿਹਾ ਕਿ ਮੌਨਸੈਂਟੋ ਨੇ ਉਤਪਾਦ ਦੇ ਲੇਬਲ ਉੱਪਰ ਉਚਿਤ ਚੇਤਾਵਨੀ ਨਹੀ ਦਿੱਤੀ ਸੀ। ਅਦਾਲਤ ਨੇ ਇਸ ਉਤਪਾਦ ਤੋਂ ਹੋਣ ਵਾਲੇ ਨੁਕਸਾਨਾਂ ਨੂੰ ਨਿਰਧਾਰਿਤ ਕਰਨ ਅਤੇ ਰਿਪੋਰਟ ਕੀਤੀਆਂ ਬਿਮਾਰੀਆਂ ਅਤੇ ਲਾਸੋ ਦੇ ਆਪਸੀ ਸੰਬੰਧਾਂ ਦੀ ਜਾਂਚ ਕਰਨ ਲਈ ਮਾਹਿਰਾਂ ਦੁਆਰਾ ਜਾਂਚ ਦੇ ਆਦੇਸ਼ ਦਿੱਤੇ।  ਇਹ ਮੁਕੱਦਮਾ ਬਹੁਤ ਹੀ ਮਹੱਤਵਪੂਰਨ ਹੈ ਕਿਉਂਕਿ ਪਿਛਲੇ ਵਾਰ ਮੌਨਸੈਂਟੋ ਦੇ ਖਿਲਾਫ ਕੀਤੇ ਮੁਕੱਦਮੇ ਵਿੱਚ ਕੀਟਨਾਸ਼ਕਾਂ ਦੇ ਸੰਪਰਕ ਵਿੱਚ ਆਉਣ ਕਰਕੇ ਹੋਣ ਵਾਲੇ ਪ੍ਰਭਾਵਾਂ ਦੇ ਆਪਸੀ ਸੰਬੰਧ ਸਾਬਤ ਨਾ ਕਰ ਪਾਉਣ ਕਰਕੇ ਕਿਸਾਨ ਉਹ ਮੁਕੱਦਮਾ ਹਾਰ ਗਏ ਸਨ।

ਮੌਨਸੈਂਟੋ ਦੇ ਘਾਤਕ ਉਤਪਾਦ
ਮੌਨਸੈਂਟੋ ਨੂੰ ਉਸਦੀਆਂ ਕੀਤੀਆਂ ਘਾਤਕ ਗਲਤੀਆਂ ਲਈ ਸਜਾ ਦਿਵਾਉਣ ਦੇ ਮਿਸ਼ਨ ਵਿੱਚ ਪੌਲ ਇਕੱਲਾ ਨਹੀ ਹੈ। ਉਸਨੇ ਅਤੇ ਉਸ ਜਿਹੇ ਬਾਕੀ ਕਿਸਾਨਾਂ, ਜੋ ਕਿ ਮੌਨਸੈਂਟੋ ਦੇ ਖਤਰਨਾਕ ਉਤਪਾਦਾਂ ਦੇ ਸ਼ਿਕਾਰ ਹੋਏ ਸਨ, ਨੇ ਪਿਛਲੇ ਸਾਲ ਇਸ ਮੁਕੱਦਮੇ ਕਿ 'ਉਹਨਾਂ ਦੀਆਂ ਸਿਹਤ ਸਮੱਸਿਆਵਾਂ ਮੌਨਸੈਂਟੋ ਦੇ ਲਾਸੋ ਅਤੇ ਦੂਸਰੇ ਫਸਲ ਲਈ ਰੱਖਿਆ ਉਤਪਾਦਾਂ ਕਰਕੇ ਹਨ' ਨੂੰ ਲੜਨ ਲਈ  ਇੱਕ ਸੰਗਠਨ ਬਣਾਇਆ ਹੈ। 1996 ਤੋਂ ਫ੍ਰੈਂਚ ਸਮਾਜਿਕ ਸੁਰੱਖਿਆ ਪ੍ਰਣਾਲੀ ਦੀ ਖੇਤੀਬਾੜੀ ਬਰਾਂਚ ਨੇ ਕਿਸਾਨਾਂ ਵੱਲੋਂ ਕੀਟਨਾਸ਼ਕਾਂ ਨਾਲ ਸੰਬੰਧਿਤ ਬਿਮਾਰੀਆਂ ਸੰਬੰਧੀ 200 ਰਿਪੋਰਟਾਂ  ਪ੍ਰਤੀ ਸਾਲ ਇਕੱਠੇ ਕੀਤੇ ਹਨ। ਪਰ ਉਹਨਾਂ ਵਿੱਚੋਂ ਸਿਰਫ 47 ਕੇਸਾਂ ਵਿੱਚ ਹੀ ਇਹ ਮੰਨਿਆ ਗਿਆ ਕਿ ਉਹ ਬਿਮਾਰੀਆਂ ਕੀਟਨਾਸ਼ਕਾਂ ਨਾਲ ਸੰਬੰਧਿਤ ਸਨ।
ਪੌਲ, ਜਿਸਦੀ ਜਿੰਦਗੀ ਮੌਨਸੈਂਟੋ ਦੇ ਉਤਪਾਦਾਂ ਨੇ ਬਰਬਾਦ ਕਰ ਦਿੱਤੀ ਹੈ, ਨੇ ਕਿਸਾਨਾਂ ਦੀ ਰੱਖਿਆ ਵਿੱਚ ਇੱਕ ਸ਼ਕਤੀਸ਼ਾਲੀ ਉਦਾਹਰਣ ਪੇਸ਼ ਕੀਤਾ ਹੈ।
ਇਹ ਵੀ ਜਾਣ ਲੈਣਾ ਜ਼ਰੂਰੀ ਹੈ ਕਿ ਦੂਸਰੇ ਦੇਸ਼ਾਂ ਵਿੱਚ ਮੌਨਸੈਂਟੋ ਦੇ ਲਾਸੋ ਉਤਪਾਦ ਤੇ ਦੂਸਰੇ ਦੇਸ਼ਾਂ ਵਿੱਚ ਪਾਬੰਦੀ ਲੱਗਣ ਤੋਂ ਬਾਅਦ ਯੂਰਪੀਨ ਯੂਨੀਅਨ ਦੇ ਨਿਰਦੇਸ਼ਾਂ ਦਾ ਪਾਲਣ ਕਰਦਿਆਂ ਫਰਾਂਸ ਨੇ 2007 ਵਿੱਚ ਲਾਸੋ ਤੇ ਪਾਬੰਦੀ ਲਗਾ ਦਿੱਤੀ ਸੀ।
ਫਰਾਂਸ ਨੇ 2008 ਤੋਂ ਲੈ ਕੇ 2018 ਤੱਕ ਕੀਟਨਾਸ਼ਕਾਂ ਅਤੇ ਨਦੀਨਨਾਸ਼ਕਾਂ ਦੀ ਮਾਤਰਾ ਵਿੱਚ 50 ਪ੍ਰਤੀਸ਼ਤ ਕਮੀ ਕਰਨ ਦਾ ਨਿਸ਼ਾਨਾ ਮਿਥਿਆ ਹੈ ਜਿਸ ਵਿੱਚੋਂ 2008 ਤੋਂ 2010 ਦੇ ਦਰਮਿਆਨ 4 ਪ੍ਰਤੀਸ਼ਤ ਮਾਤਰਾ ਘਟਾ ਲਈ ਗਈ ਹੈ।
ਪੌਲ ਦਾ ਦਾਅਵਾ ਜ਼ਿਆਦਾ ਮਜ਼ਬੂਤ ਹੈ ਕਿਉਂਕਿ ਉਹ ਉਸ ਖਾਸ ਮੌਕੇ ਬਾਰੇ ਦੱਸ ਸਕਦਾ ਹੈ ਜਦ ਉਹ ਸਪ੍ਰੇਅ ਵਾਲੀ ਟੰਕੀ ਸਾਫ ਕਰ ਰਿਹਾ ਸੀ ਤਾਂ ਸਾਹ ਰਾਹੀ ਲਾਸੋ ਉਸਦੇ ਸ਼ਰੀਰ ਅੰਦਰ ਗਿਆ। ਜਦ ਕਿ ਦੂਸਰੇ ਕਿਸਾਨ ਵਿਭਿੰਨ ਉਤਪਾਦਾਂ ਤੋਂ ਹੋਣ ਵਾਲੇ ਅਸਰਾਂ ਬਾਰੇ ਸਾਬਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇੱਕ ਕਿਸਾਨ ਜਿਸ ਨੂੰ ਪ੍ਰੋਸਟੇਟ ਕੈਂਸਰ ਹੈ, ਦਾ ਕਹਿਣਾ ਹੈ ਕਿ ਇਹ ਬਿਲਕੁਲ ਉਸੇ ਤਰਾ ਹੈ ਕਿ ਤੁਸੀ ਕੰਢਿਆਂ ਦੇ ਬਿਸਤਰ ਤੇ ਪਏ ਹੋ ਤੇ ਇਹ ਦੱਸਣ ਦੀ ਕੋਸ਼ਿਸ਼ ਕਰ ਰਹੇ ਹੋ ਕਿ ਕਿਹੜਾ ਕੰਢਾ ਤੁਹਾਨੂੰ ਚੁਭਿਆ ਹੈ।
ਫਸਲ ਸੁਰੱਖਿਆ ਕੰਪਨੀਆਂ ਦੇ ਸੰਗਠਨ, UIPP, ਦਾ ਕਹਿਣਾ ਹੈ ਕਿ ਕੀਟਨਾਸ਼ਕਾਂ ਨੂੰ ਟੈਸਟ ਕੀਤੇ ਜਾਣੇ ਚਾਹੀਦੇ ਹਨ ਅਤੇ ਜੇਕਰ ਮਨੁੱਖ ਨੂੰ ਇਹਨਾਂ ਕਰਕੇ ਕੈਂਸਰ ਹੋਣ ਦੇ ਕਿਸੇ ਵੀ ਤਰ•ਾ ਦੇ ਸਬੂਤ ਮਿਲਦੇ ਹਨ ਤਾਂ ਇਹਨਾਂ ਨੂੰ ਬਾਜਾਰ ਵਿੱਚੋਂ ਹਟਾ ਲੈਣਾ ਚਾਹੀਦਾ ਹੈ।
ਇਸੀ ਦੌਰਾਨ ਫਰਾਂਸ ਦੀ ਸਿਹਤ ਅਤੇ ਵਾਤਾਵਰਣ ਸੁਰੱਖਿਆ ਏਜੰਸੀ ਕਿਸਾਨਾਂ ਦੀ ਸਿਹਤ ਉੱਪਰ ਇੱਕ ਅਧਿਐਨ ਕਰ ਰਹੀ ਹੈ ਜਿਸਦੇ ਨਤੀਜੇ ਅਗਲੇ ਸਾਲ ਆਉਣ ਦੀ ਸੰਭਾਵਨਾ ਹੈ।