Saturday 5 May 2012

ਚੀਨ, ਜੀਨ ਪਰਿਵਰਤਿਤ ਚੌਲਾਂ 'ਤੇ ਪਾਬੰਦੀ ਲਾਉਣ ਵੱਲ

ਤਿਆਰ ਕੀਤਾ ਬੀਟੀ ਚੌਲਾਂ 'ਤੇ ਪੂਰੀ ਤਰਾ ਰੋਕ ਲਾਉਣ ਦਾ ਕਾਨੂੰਨੀ ਦਸਤਾਵੇਜ਼
ਸਾਨੂੰ ਚੀਨ ਵੱਲੋਂ ਦੇਸ਼ ਦੇ ਭੋਜਨ ਵਿੱਚੋਂ ਜੀਨ ਪਰਿਵਰਤਿਤ ਚੌਲ ਨੂੰ ਬਾਹਰ ਕਰਨ ਲਈ ਕੀਤੀ ਗਈ ਕਾਨੂੰਨੀ ਪਹਿਲ ਕਦਮੀ ਬਾਰੇ ਦੱਸਦਿਆਂ ਬੜੀ ਖੁਸ਼ੀ ਹੋ ਰਹੀ ਹੈ।
ਗ੍ਰੀਨਪੀਸ ਦੇ ਭੋਜਨ ਅਤੇ ਖੇਤੀ ਸੰਬੰਧੀ ਮੁਹਿੰਮਕਰਤਾ ਫੈਂਗ ਲੀ ਨੇ ਇਸ ਸਬੰਧ ਵਿੱਚ ਗੱਲਬਾਤ ਕਰਦਿਆਾਂ ਦੱਸਿਆ ਕਿ ਅਸਲ ਵਿੱਚ ਇਹ ਸੰਸਾਰ ਪੱਧਰ ਦੀ ਅਜਿਹੀ ਪਹਿਲੀ ਪਹਿਲ ਕਦਮੀ ਹੈ ਜਿਹਦੇ ਤਹਿਤ ਕੋਈ ਦੇਸ਼ ਜੀਨ ਪਰਿਵਰਤਿਤ ਭੋਜਨ ਦੇ ਮਾਮਲੇ 'ਤੇ ਕਾਨੂੰਨੀ ਪੱਧਰ 'ਤੇ ਨਜਿੱਠੇਣ ਦੇ ਸਮਰਥ ਹੋ ਸਕੇਗਾ।
ਬੀਤੇ ਦਿਨੀਂ ਚੀਨ ਦੀ ਰਾਜ ਕੌਂਸਲ ਨੇ ਅਨਾਜ ਸੰਬੰਧੀ ਕਾਨੂੰਨ ਦਾ ਖਰੜਾ ਰਿਲੀਜ਼ ਕੀਤਾ ਹੈ ਜਿਹੜਾ ਕਿ ਜੀਨ ਪਰਿਵਰਤਿਤ ਬੀਜਾਂ ਉੱਪਰ ਖੋਜ, ਫੀਲਡ ਟ੍ਰਾਇਲਜ਼, ਉਤਪਾਦਨ, ਵਿਕਰੀ, ਨਿਰਯਾਤ ਅਤੇ ਆਯਾਤ ਨੂੰ ਘਟਾਉਣ ਸੰਬੰਧੀ ਕਾਨੂੰਨ ਤਿਆਰ ਕਰੇਗਾ। ਡ੍ਰਾਫਟ ਸਪੱਸ਼ਟ ਕਰਦਾ ਹੈ ਕਿ ਕੋਈ ਵੀ ਵਿਅਕਤੀ ਜਾਂ ਸੰਸਥਾ ਚੀਨ ਦੇ ਮੁੱਖ ਖਾਧ ਉਤਪਾਦਾਂ ਵਿੱਚ ਗੈਰ-ਕਾਨੂੰਨੀ ਜੀਨ ਪਰਿਵਰਤਿਤ ਤਕਨੀਕ ਦਾ ਇਸਤੇਮਾਲ ਨਹੀ ਕਰ ਸਕਦੀ।
'ਚੀਨ ਵਿੱਚ ਹਾਲੇ ਤੱਕ ਜੀਨ ਪਰਿਵਰਤਿਤ ਭੋਜਨ ਅਤੇ ਤਕਨੀਕ ਉੱਪਰ ਬੜਾ ਕਮਜ਼ੋਰ ਨਿਯੰਤ੍ਰਣ ਹੈ ਅਤੇ ਕਈ ਚੋਰ-ਮੋਰੀਆਂ ਹਨ। ਇਸ ਕਾਨੂੰਨ ਵਿੱਚ ਇਹ ਸਪੱਸ਼ਟ ਕਰਨ ਦੀ ਲੋੜ ਹੈ ਕਿ ਕਿਹੜੇ ਢੁੱਕਵੇਂ ਕਾਨੂੰਨ ਅਤੇ ਨਿਯਮ ਜੀਨ ਪਰਿਵਰਤਿਤ ਫਸਲਾਂ ਉੱਪਰ ਲਾਗੂ ਕੀਤੇ ਜਾ ਸਕਣਗੇ। ਅਸੀਂ ਕਾਨੂੰਨ ਬਣਾਉਣ ਵਾਲਿਆਂ ਨੂੰ ਇਹੀ ਕਹਾਂਗੇ ਕਿ ਉਹ ਜੈਨਿਟੀਕਲੀ ਇੰਜਨੀਅਰਡ ਔਰਗਨਿਜ਼ਮ ਬਾਇਓ ਸੇਫਟੀ ਕਾਨੂੰਨ ਵਿੱਚ ਮਜ਼ਬੂਤੀ ਲਿਆਉਣ ਅਤੇ ਜੀਨ ਪਰਿਵਰਤਿਤ ਅਤੇ ਹੋਰ ਉਤਪਾਦਾਂ ਉੱਪਰ ਨਿਰੀਖਣ ਵਧਾਉਣ। ਨਹੀਂ ਤਾਂ ਇਹ ਕਾਨੂੰਨ ਸਿਰਫ ਨਾਂਅ ਦਾ ਹੀ ਕਾਨੂੰਨ  ਬਣ ਕੇ ਰਹਿ ਜਾਵੇਗਾ।' ਫੇਂਗ ਨੇ ਕਿਹਾ।
ਗ੍ਰੀਨਪੀਸ ਦੀ ਜਾਂਚ ਦੇ ਅਨਸਾਰ ਪਿਛਲੇ 20 ਸਾਲਾਂ ਵਿੱਚ ਜੀਨ ਪਰਿਵਰਤਿਤ ਤਕਨੀਕ ਉੱਪਰ ਕੀਤਾ ਨਿਵੇਸ਼ ਕੁਦਰਤੀ ਖੇਤੀ ਉੱਪਰ ਕੀਤੇ ਨਿਵੇਸ਼ ਨਾਲੋਂ 30 ਗੁਣਾ ਜ਼ਿਆਦਾ ਹੈ। ਇਹ ਚੀਨ ਵਿੱਚ ਆਧੁਨਿਕ ਟਿਕਾਊ ਖੇਤੀ ਦੇ ਵਿਕਾਸ ਵਿੱਚ ਇੱਕ ਵੱਡੀ ਰੁਕਾਵਟ ਹੈ। ਅੱਗੇ ਫੇਂਗ ਦੱਸਦੇ ਹਨ ਕਿ ਚੀਨ ਦਾ ਪੈਸਾ ਉਸ ਭੋਜਨ ਦੀ ਮੱਦਦ ਲਈ ਲੱਗਣਾ ਚਾਹੀਦਾ ਹੈ ਜਿਹੜਾ ਕਿ ਮਨੁੱਖਾਂ ਦੇ ਖਾਣ ਲਈ ਸੁਰੱਖਿਅਤ ਹੋਵੇ ਅਤੇ ਜਿਸਦਾ ਉਤਪਾਦਨ ਕਰਦੇ ਸਮੇਂ ਉਸਦੇ ਵਾਤਾਵਰਣ ਉੱਪਰ ਪੈਣ ਵਾਲੇ ਪ੍ਰਭਾਵਾਂ ਦਾ ਵੀ ਧਿਆਨ ਰੱਖਿਆ ਜਾਵੇ। ਜੀਨ ਪਰਿਵਰਤਿਤ ਤਕਨੀਕ ਇਹ ਦੋਵੇਂ ਹੀ ਕੰਮ ਕਰਨ ਵਿੱਚ ਪੂਰੀ ਤਰ•ਾਂ ਫ਼ੇਲ ਸਾਬਿਤ ਹੋਈ ਹੈ।
'ਕਿਸੇ ਵੀ ਦੇਸ਼ ਨੂੰ ਜੀਨ ਪਰਿਵਰਤਿਤ ਫਸਲਾਂ ਦੇ ਵਪਾਰੀਕਰਨ ਵਿੱਚ ਨਹੀਂ ਪੈਣਾ ਚਾਹੀਦਾ। ਬਲਕਿ ਹਰ ਦੇਸ਼ ਨੂੰ ਚਾਹੀਦਾ ਹੈ ਕਿ ਇਸ ਤਕਨੀਕ ਨੂੰ ਮਿਲਣ ਵਾਲੀ ਵਿੱਤੀ ਸਹਾਇਤਾ ਨੂੰ ਘੱਟ ਕੀਤੀ ਜਾਵੇ ਅਤੇ ਉਸ ਖੇਤੀ ਤਕਨੀਕ ਉੱਤੇ ਜ਼ਿਆਦਾ ਨਿਵੇਸ਼ ਕੀਤਾ ਜਾਵੇ ਜਿਹੜੀ ਕਿ ਸਿਹਤਾਂ ਅਤੇ ਵਾਤਾਵਰਣ ਤੇ ਆਰਥਿਕ ਪੱਖੋਂ ਸੁਰੱਖਿਅਤ ਅਤੇ ਪ੍ਰਭਾਵੀ ਸਿੱਧ ਹੋ ਚੁੱਕੀ ਹੈ।  ਇਸ ਸੁਰੱਖਿਅਤ ਤਕਨੀਕ ਵਿੱਚ ਕੁਦਰਤੀ ਖੇਤੀ, ਕੀਟਾਂ ਅਤੇ ਰੋਗਾਂ ਨੂੰ ਕੰਟਰੋਲ ਕਰਨ ਦੀ ਹਰਿਤ ਤਕਨੀਕ ਆਦਿ ਸ਼ਾਮਿਲ ਹਨ।
ਚੀਨ ਸਰਕਾਰ ਵੱਲੋਂ ਦੇਸ਼ ਵਿੱਚ ਬੀਟੀ ਚੌਲਾਂ 'ਤੇ ਰੋਕ ਲਾਉਣ ਦਾ ਇਹ ਕਦਮ, ਗ੍ਰੀਨਪੀਸ ਕਾਰਜਕਰਤਾਵਾਂ ਵੱਲੋਂ ਲਗਾਤਾਰ ਸੱਤ ਸਾਲ ਤੱਕ ਚਲਾਈ ਗਈ ਸਫ਼ਲ ਮੁਹਿੰਮ 'ਦੇਸ਼ ਦੇ ਖਾਧ ਬਾਜ਼ਾਰਾਂ ਵਿੱਚੋਂ ਜੀਨ ਪਰਿਵਤਿਤ ਚੌਲਾਂ ਨੂੰ ਬਾਹਰ ਕੱਢੋ' ਨੂੰ ਮਿਲੇ ਭਰਪੂਰ ਸਮਰਥਨ ਉਪਰੰਤ ਉਠਾਇਆ ਗਿਆ ਹੈ।

No comments:

Post a Comment